Знаете ли дека навистина постои скршено срце

Такотсубо кардиомиопатија, или стресна кардиомиопатија, е синдром кој се јавува кај луѓе насекаде во светот. За прв пат оваа болест е опишана во Јапонија како синдром на преодна дисфункција на левата срцева комора со болничка(клиничка) слика на акутно настаната болка во градите, ЕКГ промени и лабараториски забелешки за повреда на срцевиот мускул, кои упатуваат на развој на срцев удар. Називот го добил според изгледот на дел од срцето во оваа состојба кој личи на “такотсубо” што на јапонски значи стапица од октопод.

Такотсубо синдромот, или со стрес предизвикана кардиомиопатија, претежно ги погодува жените во постменопауза од причина што естрогенот повеќе не ги заштитува. Во 80% од случаевите овој синдром е поврзан со јак емоционален стрес кој пак најчесто се јавува поради загуба на сакана личност поради смрт, развод, неверство, предавство, а ретко и од преголема среќа. Токму затоа, а и поради тоа што оштетува само дел од срцето, не ретко овој синдром е наречен скршено срце. Симптомите се болка во градите, забрзано дишење, понекогаш и чувство на забрзана и неправилна работа на срцето. Има романтичен прекар, но е доста опасен синдром. Сепак, ретки се случаевите со фатални последици поради способноста за релативно брзо закрепнување на срцевиот мускул.

Иако медицинските третмани се важни за решавање на акутните симптоми на такотсубо кардиомиопатијата, понатамошниот третман вклучува промена на начинот на живот. Важно е поединецот да остане физички здрав додека учи и користи методи за управување со стресот и да се справи со идните, емотивно тешки ситуации.