Мора да се проба! Сочна пита со модри сливи

Ако сте љубител на овошни пити, ово рецепт е добредојден за вас. Едноставна подготовка и состојки, а одличен резултат, вкусна и сочна пита која се топи во уста.

состојки:

500 гр. готови кори за пита

1 кг сливи

4 јајца

1 филџан шеќер

1 филџан јогурт

1 филџан гриз

120 мл. масло

прашок за печиво

ванилин шеќер

За шербет:

1 филџан шеќер

450 мл. вода

ванилин шеќер

Подготовка: Сливите убаво се мијат, се чистат од коските и се сечат на четвртина. Потоа се матат јајцата и шеќерот и се додаваат јогурт, масло, гриз и прашок за печиво. Сето добро треба да се соедини. Врз премачакн плех се става првата кора. Врз неа се нанесува од филот. Постапката повторете ја уште три пати, а врз четвртата кора ставете половина од сливите, па наросете со ванилин шеќер. Потоа наредете уште четири кори, секоја премачкана со фил. Наредете ја и втората половина сливи. Па уште четири кори преку сливите, а секоја премачкајте ја со фил. Питата исечете ја на парчиња, па премачкајте ја со остатокот од фил.

Се пече 10 минути на 200 степени, па уште 40 минути на 180 степени. Додека питата се пече, пригответе го шербетот.

Водата, шеќерот и ванилин шеќерот ставете ги да провријат, па на тивок оган варете 6-7 минути.

Со шербетот прелијте ја готовата пита. Се сервира откако ќе се излади.