МЗ со инфо за имунитетот кај вакцинираните и најчестите несакани ефекти

Министерството за здравство излезе со информации наменети за граѓаните кои веќе ја примија првата доза на вакцината „Астра Зенека“ во соседна Србија и за оние кои во следниот период ќе се вакцинираат.

Од таму појаснуваат дека по примање на првата доза од вакцината, потребни се до три недели да се создаде имунитет.

„Ова значи дека сите кои деновиве примиле вакцина треба да се исклучително внимателни и следните три недели да продолжат да ги почитуваат мерките за лична заштита. Најчести несакани ефекти: Болка на местото на апликација, црвенило и чешање, покачена телесна температура, треска, главоболка, болки во мускули. Се јавуваат кај 1 од 10 индивидуи. Поретко се јавува алергиска реакцијa. Најчесто несаканите ефекти се благи и краткотрајни и исчезнуваат еден ден до два по вакцинацијата“.

МЗ сподели и ЛИНК кадешто може да се најдат подетални информации за вакцините.