„На Ахмети му посакувам успешна пензија за месец-два“ – рече Таравари

Кандидатот за градоначалник на Гостивар, Арбен Таравари запрашан да ја коментира изјавата на претседателот на ДУИ, Али Ахмети дека „е кандидат на ВМРО“ и „граѓаните не треба да дозволат да победи ВМРО во Гостивар“ истакна:

„Ахмети 12 години беше со Груевски, не со ВМРО, туку со Груевски и со Мијалков, тоа што велевме дека е злото на ВМРО. Во 2013-та година господинот Ахмети ги украде изборите во Гостивар, заедно со Мијалков и со Груевски. И сега ни кажува дека ние сме биле со ВМРО, јас сум бил кандидат на ВМРО. Во 2017-та јас во првиот круг се натпреварував сам, а Бејта беше заеднички кандидат на СДСМ и на ДУИ. И сега Ахмети барем од морален аспект, ако ја имаа таа димензија на моралност, не треба да зборува за кандидат на ВМРО, на СДСМ или на некој друг. На господинот Ахмети му посакувам успешна пензија, наскоро за месец, два.“

Таравари најави формирање на ново парламентарно мнозинство по завршувањето на Локалните избори.