Најавена наградна игра со фискални – „Мој ДДВ, моја награда“

Владата најави наградна игра – „Мој ДДВ, моја награда“. Информацијата за организирање на наградната игра беше усвоена на вчерашната седница на владата, на предлог на Министерството за финансии.

Од прес службата неведоа дека тоа се прави со цел за натамошно зајакнување на фискалната дисциплина и подигањето на свеста на граѓаните за задолжително барање и земање на фискални сметки.

„Мерката ќе генерира дополнителни приходи за граѓаните, а ќе ја спроведува Државната лотарија на Република Северна Македонија, како овластено трговско друштво во целосна сопственост на државата, во соработка со Министерството за финансии и Управата за јавни приходи.“, стои во соопштението од Владата.