Најавени субвенции за студентите за храна, превоз, театар…

Министерството за образование и наука во соработка со неколку други министерства започнува со подготовки за воведување на проект „Субвенциониран студентски оброк и други студентски потреби“.  Владата на вчерашната седница го задолжи Министерство да изготви предлог законски и подзаконски акти за имплементација на проектот, најдоцна до 31-ви мај годинава, за даможе да се создадат услови за отпочнување на мерките.

Проектот „Субвенциониран студентски оброк и други студентски потреби” предвидува можност за субвенционирање на потребите на студент по негов избор, и тоа: оброк, автобуска карта, карта за во театар, книга и други услуги, во текот на денот, а плаќањето ќе се врши преку мобилен телефон или дигитална студентска картичка.

„Овој проект, повеќе од 10 години успешно се спроведува во Република Словенија. Од страна на тамошните институции постои согласност и поддршка за имплементирање на проектот и во Република Македонија, со одредени прилагодувања, согласно финансиските можности на Република Македонија“, соопштија од Владата.