Вести
НАЈЧИТАНИ ВО 2021: Пример за сите, злато од човек – Плакета Св.Наум Охридски за прерано починатиот д-р Трајче Нешковски
На крајот сме од оваа 2021 година и редно е да се потсетиме на најинтересните и најчитаните текстови на Gostivarpress.mk од 1 јануари, па се до денеска (без хроника и ковид).
Деновиве, целосно ги реобјавуваме 10-те најчитаните прилози, да се потсетиме што беше тоа што најмногу го привлече вашето внимание…
Објавено на: на Јун 5, 2021
Доктор Трајче Нешковски од Гостивар, кој прерано трагично го загуби животот лани во октомври, постхумно го доби највисокото признание Плакета „Свети Наум Охридски“, што го доделува Лекарската комора за посебен придонес и посветеност во медицината.
„Трајче Нешковски беше млад лекар во подем со голем потенцијал, исклучителен квалитет, посветен на работа. Прераната смрт застана на патот на неговите успеси и подеми. Д-р Нешковски останува светол пример од кој младите треба да учат што значи да се биде доктор“, беше речено при соопштување на одлуката, на одбележувањето 29-годишнината од основањето на Комората.
Триесет и две годишниот Нешковски беше специјалист на Клиниката за пулмоалергологија во Скопје. Беше активно вклучен во борбата против ковид, ја водеше ковид-единицата во детската болница Козле, а беше ангажиран и на Инфективната клиника.
„Во вакви моменти доаѓа до необичен спој на емоции зошто тагата се врзува за среќата, а гордоста се бори со недостигот. Несомнено, Трајче ги заслужува сите признанија и награди кои некој може да ги добие, затоа што тој не беше само идеал за професионален и совесен лекар, туку беше идеал за еден млад, реализиран и успешен човек од кој многу генерации треба да учат.“, истакна по тој повод, неговата сопруга Ема Нешковска.
Д-р Трајче останува во срцата на гостиварци, запаметен како добар човек, пријател, посветен и хуман лекар, подготвен да помогне во секоја прилика.
Беше и политички активен, потпретседател и секретар на Социјалдемократската младина на Македонија.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ