Најголеми протести во повоената историја – Земјоделците ја блокираа Германија

Денеска, како што беше најавено, на патиштата во Германија има илјадници трактори и земјоделци, поради што државните служби изразуваат загриженост и овој протест го нарекуваат најголем во повоената историја. Се стравува дека од рано наутро речиси и да нема дел од државата што ќе функционира нормално.

Земјоделците штрајкуваат против владиниот план за намалување на субвенциите за гориво како дел од најавеното усогласување на федералниот буџет.

#Berlin #Streets #Germany: + #BreakingNews + #Farmers‘ #protests +#Allemagne : + #Nouvelles + #Manifestation #agriculteur +#Alemania: + #Noticias + #Protestas de #agricultores +#Deutschland: #Bauernprotest #Landwirte

pic.twitter.com/hspZtP0zsX

— Taradiddle Art (@taradiddle_art) January 8, 2024

Тие започнаа блокади поради најавените кратења на германскиот буџет за земјоделците. Со таа одлука на владата, која беше донесена откако Уставниот суд и забрани на Сојузната влада да се задолжува, а остави “дупка” од 17 милијарди евра за бројни субвенции.

• Состојбата беше доволно тешка, а даноците за земјоделскиот дизел и возилата беа последната капка. Во последниве години станавме само робови на бирократијата – рече земјоделецот и лидер на состаноци Роберт Илихман.

Избришани се субвенциите за набавка на дизел и се воведе данок за сите земјоделски возила, исто како и за патничките, пропорционално на моќноста на моторот и потрошувачката на гориво.

Во моментов кон центарот на Минхен се движат 5.500 трактори, објави полицијата на социјалната мрежа Х.

На земјоделците им се придружија и камионџиите од Германија, додека Германскиот синдикат на машиновозачи ГДЛ најави штрајк кој ќе започне во среда во 2 часот по полноќ. ГДЛ бара намалување на работното време – од 38 на 35 неделно по лице, како и зголемување на платите за 555 евра месечно, односно еднократна помош поради инфлација во износ од 3.000 евра.