Забава
Најнеобични училишта низ светот – Би учеле ли во школо под земја?
Колку што се ближи крајот на школската година, толку учениците губат од концентрацијата, стануваат помрзеливи и недисциплинирани. На наставниците и родителите, тоа им е добро познато. Поголемиот дел од нив до некаде и го оправдуваат неодговорното однесување на децата, со оглед на тоа што во текот на целата учебна година се преоптоварени со учење. За да ги разбиеме негативните вибрации што владеат периодов кон училиштата, донесуваме информација за најнеобичните училишта низ светот. Толку се чудни, што навистина за некои од нив тешко е да се поверува дека постојат и дека образуваат деца.
Во Бруклин, Њу Јорк постои бесплатно училиште кое нема никаков наставен план, ниту програма. Тука, децата сами одлужуваат што ќе учат, по колку ќе им траат часовите и дали додека се на училиште ќе учат или ќе си играат. Едноставно во ова школо учениците се главни. Она што е најпримамливо е што нема тестови, нема домашна работа и нема оценки.
Во Филаделфија функционира училиште на иднината. Тамошните ученици никогаш не користат тетратки, туку само компјутери. Целата настава се одвива компјутерски. Дури и шкафчињата за учениците не се заклучуваат со клуч, туку со помош на картица.
Во Ново Мексико постоело училиште кое целосно било под земја. Изградено било за време на студената војна, а освен образовен карактер, објектот имал и улога на скривалиште од бомби и нуклеарни напади. Школото имало три влеза со врати од челик тешки по 800 кг. Било затворено во 1995-та година поради високи трошоци за одржување.
Во Индија една учителка решила да подучува деца на перон на железничка станица. Оваа иницијатива главно е наменета за децата кои доаѓаат од сиромашни семејства и се оценува дека на ваков принцип се школуваат околу 4.000 деца во Индија.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница