Здравје и убавина
Намирници кои ќе ја направат вашата кожа сјајна и блескава, без флеки и акни
Рутината за нега на кожата со примена на креми и серуми е многу важна, но клучот за убава кожа е во нашата исхрана.
Храната што ја јадеме игра голема улога во тоа дали нашата кожа ќе биде без акни, без флеки и блескава, под услов да немаме некаков здравствен проблем што ќе иницира појава на промени.
Секако, за резултатот од промената на исхраната да биде видлив на кожата, потребно е да помине подолг период, но дефинитивно вреди да се вложи труд.
Масна риба
Туната и лососот се одлични извори на протеини и омега-3 масни киселини, кои се важни за здравјето и убавината на кожата.
Омега-3 мастите ја одржуваат хидратацијата на кожата и се познати борци против воспаление, сувост и црвенило. Експертите препорачуваат до две порции мрсна риба неделно.
Јаткасти плодови
Оревите, бадемите и бразилските ореви се одлична ужина на работа или пред одење во теретана, но се одлични и за здравјето и убавината на кожата. Тие се вистински рудник на незаситени масти и витамин Е кои придонесуваат за убавината и здравјето на кожата.
Бадемите се одличен извор на магнезиум, протеини, омега-3 и витамин Е, имаат антиинфламаторно дејство и ја прават кожата поотпорна на загадувачи. Бразилските ореви му даваат на телото енергија и имаат висок процент на селен, кој делува против рак на кожата, брчки и изгореници од сонце.
Семиња
Чиа семето, семките од тиква и сончогледот содржат многу хранливи материи за организмот, а се одлични и за здравјето и убавината на кожата. Еден од нивните клучни елементи е цинкот, кој помага во обновувањето на кожата и ја одржува мека и хидрирана.
Семките од сончоглед содржат витамин Е, моќен антиоксиданс кој се бори со знаците на стареење. Семките од тиква имаат висока содржина на цинк, што придонесува за сјајот на кожата. А чиа семињата се вистински рудник на витамин Е, антиоксиданси, протеини и масни киселини.
Авокадо
Овошјето со неутрален вкус содржи добри масти кои благотворно делуваат на еластичноста на кожата и придонесуваат за нејзина хидратација. Содржи и витамин Е, кој се бори против знаците на стареење.
Бобинки
Боровинки, рибизли, малини и капини се нискокалорични и богати со витамин Ц и антиоксиданси за обновување и подмладување на кожата.
Зелен чај
Извонреден пијалок, познат по своите антиоксидантни својства, може да се користи и во борбата против акните, митесерите и проширените пори. Покрај тоа, зелениот чај има антиинфламаторно дејство, а истовремено придонесува за лекување на црвенило и ја зголемува еластичноста и хидратацијата на кожата.
Темно чоколадо
Поради високиот процент на какао, темното чоколадно богато е со антиоксиданси, ја штити кожата од сонцето и ја спречува појавата на брчки.
Јагоди
Имаат антиоксидантни својства и содржат витамини Е и Ц. Витаминот Ц помага во производството на колаген и дава сјајна и затегната кожа.
Кељ
Многумина го сметаат овој зеленчук за суперхрана, бидејќи содржи многу бета-каротен и витамин А. Кељот содржи и витамин Ц, кој ја одржува кожата млада и свежа. Доколку не ви се допаѓа вкусот на кељот, можете да го додадете во салати и смути со овошје, зеленчук и јогурт и на тој начин да внесете големо количество витамини во вашето тело, за што вашата кожа ќе биде благодарна.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница