Ова се неколку последици од секојдневно консумирање алкохол

Многу луѓе наоѓаат изговори за рекреативно консумирање алкохол, верувајќи во неговите наводни придобивки. Долго време се веруваше во позитивното влијание на алкохолот врз бројни здравствени резултати, од добро здравје на срцето до долговечност. Реалноста е поинаква.

Здравствените придобивки од консумирањето алкохол се можни, но реалноста е дека алкохолот е токсична, психоактивна супстанца. Според Светската здравствена организација, алкохолот е одговорен за до три милиони смртни случаи годишно. Дали овој порок одговорен за тешки несакани ефекти и болести може да биде добар за нас?

Неодамнешните студии покажуваат дека штетите од секојдневното консумирање алкохол може да ги надминат потенцијалните придобивки, но какви ефекти може да очекувате од еден до два пијалоци на ден? Ова се само дел од работите од она што се случува во вашето тело кога консумирате алкохол секој ден.

Намален квалитет на сонот

Една чаша вино може да ве заспие, но дали има добар ефект врз целокупниот сон? Алкохолот е депресив и има седативно дејство, што може да им помогне на луѓето да спијат, сепак, лош сон е речиси загарантиран. Алкохолот влијае на квалитетот на сонот со тоа што ја прекинува РЕМ фазата (оваа фаза трае 10-20 минути и мозокот станува многу повеќе активен, дури се приближува до активноста која ја има кога ние сме будни. Во оваа фаза сите мускули на телото се привремено парализирани, освен мускулите кои ги придвижуваат очите и мускулите кои го контролираат дишењето). Исто така повеќе студии имаат покажано дека луѓето кои почесто консумираат алкохол имаат поголема веројатност да доживеат краток сон, ‘рчење и апнеја при спиење.

Можно намалување на волуменот на мозокот

За многумина чаша пиво е начин да го „исклучат мозокот“ и да се опуштите по напорниот ден. За жал, кога станува збор за здравјето на мозокот, секојдневното консумирање може да придонесе за постепено смалување. Научен труд од 2022 година открива дека само еден пијалок дневно може да биде поврзан со промени во обемот на сивата и белата материја во мозокот. Луѓето кои консумирале поголеми количини алкохол на дневна основа покажале уште поголемо намалување на обемот на мозочната материја.

Нарушувања на расположението

Алкохолот често се користи како механизам за борба против лошото расположение, но се има покажано дека алкохолот може да придонесе за маѓепсан круг на лошо расположение. Како депресив, алкохолот има директно влијание врз рамнотежата на невротрансмитерите во мозокот. Можно е да се чувствувате опуштено и самоуверено за време на конзумирањето, но штом алкохолот се метаболизира, хемиските промени кои настануваат потоа може да доведат до раздразливост, анксиозност, депресија или лутина.

Лошо орално здравје

Како диуретик, алкохолот ја исфрла водата и солта од телото и може да предизвика дехидрација. Чувството на очајна потреба за вода и сува уста после ноќно пиење се резултат на дехидрација. Освен непријатност, сувата уста може да доведе до воспаление во устата и намален проток на плунка, што предизвикува расипување на забите.

Подложност на зголемување на телесната тежина

Ефектот на алкохолот врз тежината е делумно поврзан со лошиот сон. Друг начин на кој алкохолот влијае на тежината е неговата калорична содржина. Алкохолот е вториот најкалоричен макронутриент и не содржи никакви хранливи материи, а исто така ја зголемува тенденцијата на поединецот кон повеќе калорична храна.

Намален имунитет

Силен имунолошки систем е од суштинско значење за борба против болеста. Голем дел од имунолошкиот систем се наоѓа во гастроинтестиналниот тракт, што е првата точка на контакт со алкохолот по директно консумирање. Честото консумирање може да доведе до синдром на течење на цревата, кој подоцна предизвикува воспаление низ целото тело, ги менува позитивните бактерии во цревата и ги оштетува крвните клетки.

Лошо здравје на дигестивниот систем

Здравото црево е важен дел од целокупното здравје. Го одржуваат расположението стабилно, ги регулираат хормоните, обезбедуваат добар имунитет и слаби воспаленија. Алкохолот може да направи хаос во цревата, да ја оштети слузницата на гастроинтестиналниот тракт и да ги убие корисните цревни бактерии. Комбинацијата на оштетена лигавица на дигестивниот систем и дисбиоза може да доведе до дигестивни проблеми, лошо расположение, проблеми со кожата и ослабен имунитет.