Насилство меѓу децата во Гостивар: Вчера пријавени два физички напади

Полицијата во текот на вчерашниот ден (20 февруари) во Гостивар регистрирала два случаи на физички напади меѓу малолетници.

Во 12 часот и 30 минути, 17-годишен средношколец од Гостивар, во присуство на неговата мајка, во СВР Тетово пријавил дека околу 9 часот, на голем одмор, на кејот на реката Вардар во Гостивар, физички бил нападнат од ученик во друго гостиварско средно училиште од  Врапчиште.

Во 16 часот, 36 годишната Н.С. од гостиварски Балиндол во СВР Тетово пријавила дека околу 12 часот и 40 минути, одејќи во основно училиште во Гостивар со уште двајца негови другари, нејзиниот малолетен син бил  пресретнат и физички нападнат од неколку ученици од средно училиште. Во нападот тие користеле и тврди предмети.

СВР соопшти дека се преземаат мерки за расчистување и документирање на случаите.