Натпревар за третото место на табелата: Академија ФМП – КК Гостивар од 18 часот

На три кола пред крајот на регуларниот дел денеска од 18 часот во салата „Независна Македонија“ во Скопје ќе се сретнат екипите на Навико Академија ФМП и КК Гостивар.

Ова е дуел на моментално четвртата и петтопласираната екипа на табелата, во трката за што подобар пласман пред почетокот на Супер-лигата.

Тимот од Кисела Вода има 32 бода, односно бод повеќе од гостите, со скор од 13 победи и 6 порази и серија од четири победи по ред. Првата пресметка оваа сезона заврши во корист на „академците“.

Гостиварци од делумно сигурното второ место ја испуштија предноста и по двата последователни порази се најдоа на 5. позиција на табелата со исто бодови како и последниот патник во топ 6, шесттопласираната екипа на ТФТ Скопје.

Во досегашните дуели помеѓу овие две екипи КК Гостивар има подобар скор од 3 победи, наспроти 2 на Академија Навико ФМП.

Натпреварот ќе го пренесува МРТВ, на интернет може да го следите ТУКА.