Здравје и убавина
Научници препорачуваат да се додава витамин Д во лебот заради заштита од ковид
Научниците од Велика Британија побараа властите да одобрат додавање на витамин Д во вообичаената храна како леб и млеко, за да се помогне во борбата против коронавирусот. Бројни студии покажаа дека ниското ниво на витамин Д го зголемува ризикот од инфекција со вирусот или доведува до посериозни последици.
Скоро половина од популацијата во Велика Британија има недостаток на витамин Д, а владините препораки граѓаните да го земаат преку суплементи не функционираат, барем според експертската група формирана од д-р Герет Дејвис, истражувач по медицинска физика, пишува The Guardian.
Минатата недела, истражувачите во Шпанија откриле дека 82% од пациентите со коронавирус од 216 примени во болница имаат ниско ниво на витамин Д.
Сликата, сепак има и друга страна. Одредени истражувања покажале дека нивото на витамин Д има малку или никакво влијание врз ковид-19, грип и други респираторни заболувања.
Министерството за здравство на Англија во последните 10 години не одобрува збогатување на витамин Д на храната како млеко, леб и сок од портокал, што е практика во Финска, Шведска, Австралија и Канада.
„Според мое мислење, јасно е дека витаминот Д не само што може да заштити од сериозноста на болеста, туку може и да заштити од инфекција. Треба внимателно да се испланира збогатување на храната за да се направи тоа ефикасно, особено затоа што луѓето сега земаат додатоци во исхраната. Храната збогатена со витамин Д бара посебно внимание“, рече Дејвис.
Адријан Мартини, професор по респираторни инфекции на Универзитетот „Квин Мери“ во Лондон, кој не е дел од групата Дејвис, спроведува клиничко испитување за да види дали витаминот Д може да го намали ризикот од ковид-19.
Студијата Коронавит, која започна минатата недела, ќе следи повеќе од 5.000 луѓе во текот на зимата.
“Владата препорачува целото население да зема додатоци на витамин Д во зимските месеци, а луѓето во ризични групи го земаат овој витамин во текот на целата година. Но, знаеме дека луѓето едноставно не го прават тоа во значителен број. Дури и јас понекогаш заборавам да го земам”. – рече Мартини.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар