Не е исклучена можноста од продолжување на рестриктивните мерки

Актуелните рестриктивни мерки траат до 20 април, а дали ќе бидат продолжени се‘ уште не се знае. Министерот за здравство Венко Филипче рече дека состојбите се следат и одлука ќе се донесе зависно показателите.

„Ако има потреба, да, ќе ги продолжиме. Веројатно ќе разговараме викендов и на почетокот на идната недела, ќе ги следиме бројките и менаџирањето со болниците. Тоа беа критериумите врз кои одлучувавме и анлизиравме до сега, а така ќе биде и во текот на следната недела“, изјави министерот.

Актуелните рестриктивни мерки опфаќаат полициски час од 20 навечер до 5 часот наутро и забрана за гости во угостителските објекти, кои може да работат само шалтерски и со достава.

Надлежните оценуваат дека овие мерки даваат резултат и постои благо намалување на бројот на новозаразени со коронавирус.