„Нефа мебел“ затвори преку ноќ: Салонот во Гостивар испразнет и заклучен

Фирма „Нефа мебел“ без најава ги затвори сите продавници во Србија и Македонија, а стотици купувачи во обете земји останаа без можност да ги добијат однапред платените нарачки. Руската компанија „Спилит“ која го призведува мебелот што го продава „Нефа“, пред два дена преку ноќ побегна од Врање и остави долгови и 300 работници без работа, пишува Новости.рс.

Салонот во Гостивар е испразнет и заклучен, голем број гостиварци што нарачаа мебел и го платија за сега останаа и без мебел и без пари.

Во Македонија, компанијата има продавници во Скопје, Велес, Гостивар, Прилеп, Битола и Тетово, но во четврток попладнето сите одеднаш затвориле, а купувачите велат дека продавачите кои биле внатре не можеле да им дадат информации како да ги добијат нарачките. Исто така, избришани се и српската и македонската веб страница и фејсбук страните.