Спорт
Незапамтен пораз на КК Гостивар во дуелот со Еуроникел 67-106
Екипата на КК Гостивар вчера (15 октомври), го доживеа најсрамниот и најголемиот пораз на домашен терен во својата историја, во дуелот со Еуроникел од третото коло во Првата македонска кошаркарска лига, сезона 2023/24.
Никој жив љубител на кошарката од Гостивар не памети, пораз од 39 поени разлика, на домашен терен, пред свои гледачи, во Спортската сала „Младост“, на која од вчера му е одземен и епитетот „неосвоива“.
Авантуристичкиот пристап со кој КК Гостивар одлучи да се натпреварува во оваа сезона, веќе во 3.коло донесе неславен историски пораз од екипата на Еуроникел со резултат 67-106, и по три кола една од најлошите кош разлики во лигата. Сосема бескорисно е да се прави анализа на вчерашниот дуел, кој домашната екипа го заврши со едвај 15 лични грешки.
Но, таков е спортот носи убави и тешки моменти, сезоната е на самиот почеток и останува надежта дека „бело-сините“ ќе смогнат сили и вратат на победничките патеки, достоинствено претставувајќи го клубот со кој гостиварци се гордеаа години наназад.
Спортски е и да се спомене, Мекевен со 17, Соколов 16 и Белкшер со 15 поени беа најзаслужни за убедливата победа на кавадарчани во вчерашниот натпревар. Екипата на Еуроникел остана без главниот спонзор на неколку недели пред почетокот на првенството, во еден момент ги ослободи сите играчи и откажа учеството во Првата лига.
Во следното коло КК Гостивар му гостува на повратникот во првата лига ГКК Охрид.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ