Нов случај на коронавирус во Македонија: Заразена е докторка, одела и на работа

Во Македонија е регистриран четвртиот случај на заболен од корона. Министерот за здравство Венко Филипче штотуку ја заврши вонредната прес конференција, на која извести дека новозаболената е докторка, директорка на клиниката за кожни болести.

„Се работи наша колешка, директорка на Клиниката за кожни болести, и таа моментно се сместува на Инфективната клиника. Нејзината состојба е стабилна има лесна клиничка форма. Таа била во Италија пред недела дена, а откако се вратила одела на работа. Со големо разочарување сакам да кажам дека не биле испочитувани препораките за самоизолација. Земајќи во предвид ово факт, со исклучително големо внимание пристапуваме кон мерките на Клиниката за кожни болести. Се врши проценка на ризиците на сите што биле во контакт со неа, и вработените и пациентите. Можно е согласно препораките на епидемиолозите, одделот да биде целосно затворен. Целиот медицински персонал, можно е да бидат испратени на целосна изолација. Исто како и пациентите кои се хоспитализирани. Добро е што колешката не била во Амбуланта, па немала контакт со тие пациети што се прегледувале во амбуланта.“, кажа министерот Филипче, нагласувајќи дека секојдневните апели за изолација на тие што доаѓаат од ризичен регион, мора се сфатат сериозно.