Нови 242 случаи со КОВИД-19, во Гостивар 3 новозаразени

Согласно податоците од Институтот за јавно здравје, во последните 24 часа направени се 3.561 тестирања, а регистрирани се 242 нови случаи на КОВИД-19, шест починати и 247 оздравени пациенти, соопшти Министерството за здравство.

Од 242 новозаболени од Скопје се 173, Прилеп – 12, Битола – 10, Кавадарци – 9, Куманово – 6, Гевгелија – 5, Велес – 4, Тетово, Гостивар, Охрид, Струмица и Струга – по 3, Кочани и Делчево – по 2, Кичево, Крива Паланка, Дебар и Валандово – по 1.

Од шесте починати, две се од Скопје (71г и 87г), и едно починато лице од Кавадарци (84г), Охрид (72г), Струга (74г) и Ресен (80г). Пријавените лица се починати во болнички услови.

Од 247 оздравени пациенти од Скопје се 101, Битола – 19, Прилеп и Струмица – по 15, Охрид и Валандово – по 11, Тетово – 10, Куманово и Ресен – по 9, Кавадарци – 8, Велес и Кочани – по 5, Крива Паланка и Виница – по 4, Кичево, Штип, Радовиш и Македонски Брод – по 3, Гевгелија и Пробиштип – по 2, Струга, Свети Николе , Кратово , Богданци и Демир Хисар – по 1.

Досега во земјата се направени вкупно 1.611.793 тестирања на Ковид-19. Вкупниот број Ковид-дијагностицирани лица во земјава од почетокот на епидемијата изнесува 225.972, бројот на оздравени пациенти е 213.174, на починати е 7.981, а на активни случаи изнесува 4.817.