Состанок во гостиварската болница: Да се избегнуваат посетите по одделенијата

Во општата болница „Д-р Ферид Мурад“ во Гостивар, на иницијатива на директорот Јакуп Јакупи, се одржа информативен состанок со раководителите на одделенијата и амбулантните, во врска со коронавирусот.

„Директорот ги информираше одговорните за мерките преземени од Владата на РСМ и Министерството за здравство, поврзани со организацијата и преземените чекори за справување со вирусот и спречување на ширењето. Д-р Јакуп Јакупи ги повика сите граѓани на Гостивар и пошироко да ги избегнуваат болничките посети, а исто така, се заблагодари на целиот медицински персонал за напорната работа и придонесот што го прават во овие тешки времиња за сите“, информираат од гостиварската болница.