Официјално: ЛШ во Лисабон, ЛЕ во четири германски градови

Извршниот комитет на УЕФА, на состанокот одржан на 17 jуни, донесе одлуки во врска со продолжетокот на европските натпреварувања. Ќе се играат завршни турнири, Лигата на шампиони во Лисабон, додека Лигата Европа во четири германски градови.

Завршниот турнир од Лига на шампиони, на кој ќе учествуваат осум екипи, ќе се одржи во Лисабон. Четвртфиналето, полуфиналето и финалето ќе се играат од 12-ти до 23-ти август. Осминафиналните натпревари пак ќе бидат на програмата 7-ми и 8-ми август, но сеуште не е одлучено дали и овие мечеви ќе се играат во Португалија или не.

🏆 🇵🇹 NEWS: #UCL quarter-finals, semi-finals and final will be played as a straight knock-out at the Estádio do Sport Lisboa e Benfica and the Estádio José Alvalade in Lisbon from 12 – 23 August 2020.

Remaining round of 16 matches will be played on the 7/8 August. #UEFAExCo pic.twitter.com/qeJX0k7t8c

— UEFA (@UEFA) June 17, 2020

Завршниот турнир од Лига Европа, односно четвртфиналните, полуфиналните натпревари и финалето ќе се играат во Келн, Дуизбург, Дизелдорф и Гелзенкирхен помеѓу 10-ти и 21-ви Август. Осминафиналните дуели ќе се играат на 5-ти и 6-ти август со тоа што Интер – Хетафе и Севиља – Рома ќе играат еден натпревар и тоа во Германија.

The #UEL quarter-finals, semi-finals and the final will be played as a straight knockout tournament in Cologne, Duisburg, Düsseldorf and Gelsenkirchen between 10 and 21 August 2020. All these ties will be single-leg fixtures.

Read more ⬇️

— UEFA Europa League (@EuropaLeague) June 17, 2020

Кога станува збор за квалификациите за европските клубски натпреварувања за сезоната 2020/2021 во Лига шампиони, во првите три рунди ќе се игра само по еден натпревар, додека двомеч системот ќе се врати во плеј-офот. За разлика од ЛШ, во квалификациите за Лига Европа во сите рунди ќе се игра по еден нтпревар.

УЕФА Суперкупот, кој требаше да се игра во Порто, преместен е во Будимпешта, а ќе се игра на 24-ти септември.