Доналдсон си замина, Малком Армстед нова „прва виолина“ на КК Гостивар

КК Гостивар се раздели со еден од најдобрите играчи минатата сезона Донован Доналдсон, кој имаше две годишен договор со клубот, за неговиот раскин гостиварци ќе добијат 3.000 долари обештетување, а кариерата ќе ја продолжи во Унгарија.

Но, се тоа е дел од преговорите за ангажманот на Малком Армстед, кошаркар кој стручниот штаб на КК Гостивар го посакуваше по секоја цена. Станува збор за играч кој пред неколку сезони беше најдобар стрелец во АБА-лигата како член на Крка, во последните години промени огромен број на клубови, пред да се довоори со гостиварскиот прволигаш, за американецот со косовски и романски пасош најзагреан беше германскиот бундеслигаш Хамбург.

Малком пред четири месеци потпиша за КК Гостивар, за „бело-сините“ одигра само 50 минути и запиша 25 поени, дури не дебитираше пред домашната публика во Младост, поради прекинот на првенството и коронавирусот.

Новата „прва виолина“ на гостиварци низ кариерата има настапувано за Орегон, Автодор Саратов, АЕК Атина, Истанбул ББ, Јесилгиресун, Нептунас, Крка, Ретимно, Бујукчекмече, Кимис, Приштина, Пеќ. Армстед има настапи и за репрезентациите на Косово и Романија.