Гостивар
Остра реакција на КК Гостивар поради предлог-распределбата на општинските пари за спорт
Кошаркарскиот клуб Гостивар, вечерва излезе со реакција на нивната фејсбук страна, пoради незадоволството од предлог распределбата на општинските пари наменети за спорт. Во реакцијата стои дека предлог распределувањето на јавните пари кое треба да се официјализира на следната 21 седница е направено без никаков критериум, и е непрофесионално и несовесно. Се прашуваат колку средства треба да добијат моментално првопласираната екипа во Првата македонска кошаркарска лига па и останатие спортски клубови од општината, ако на второлигашки клуб се доделуваат 4 милиони денари.
Клубот бара одговорните во локалната самоуправа да ги преиспитаат своите одлуки и алармираат дека во знак на револт публиката од „Младост“ ќе биде префрлена пред општинската зграда. Ви ја пренесуваме реакцијата во целост:
„Реакција на Кошаркарскиот клуб Гостивар
Кошаркарскиот клуб Гостивар, најостро реагира на односот на Општина Гостивар при предлог распределбата на општинските пари наменети за спорт. Согласно најновите објави на комисиите за 21 седница на Советот на Општина Гостивар во чиј предлог од предвидени 9,2 милиони денари, 4 милиони се предвидени за еден субјект, а остатокот за сите останати спортски субјекти во Гостивар. Со целосна почит кон сите спортски клубови од Гостивар, реакцијата не е насочена кон нив, туку кон функционерите кои имаат обврска должноста да ја спроведуваат согласно законот и актите на локалната самоуправа.
Јавно ги прашуваме сите одговорни во општината, советници, функционери, членови на комисии, градоначалник. Според кој критериум ги распределувате јавните пари на граѓаните на Гостивар? По кој критериум на второлигашки клуб му се доделуваат 4.000.000 денари од 9.200.000 денари вкупниот буџет за спорт? Колку тогаш му следува на лидерот на табелата во најелитното кошаркарско натпреварување во државата КК Гостивар, а колку ќе има за останатите? Дали ги распределивате парите според успесеите? Дали според финансиските извештаи на клубовите? Дали според партиски заслуги или можеби личен интерес? Неколку години наназад се минира, потиснува и во секој поглед настојува да се омаловажи успехот на единствениот сериозен клуб од Гостивар, во моментов првопласираната екипа на табелата во Првата кошаркарска лига и гордоста на гостиварци. Изминативе години буквално сите ве молевме да го добиеме она што впрочем е наше, нели буџетот за спорт е наменет за спорт? И тука добивме „нешто“ колку да се замачкаат очи, да не продолжуваме за непочитување на одлуките на Совет. Што уште треба да направиме клубот кој го носи името и грбот на градот да не биде градско сираче?
Никогаш не сме се мешале во работата на политичарите, иако се плаќаат со наши пари, но ваквата лакрдија, непочитување и понижување кон најоглемиот репрезезнт и спортски колектив од градот КК Гостивар нема да дозволиме. Со сите законски мерки ќе настојуваме распределбата на парите од граѓаните да оди според заслугите, успесите, критериум од кого и да многу е.
Со самата предлог одлука кристално јасно е дека на дело нити милиметар не се променети старите навики да се уништива се што е носи добро, да се злопуотребуваат функциите, да не се почитува успехот, моралот одама го нема, квалитетот не значи ништо, да не се почитува општото и јавно добро, иако сите се чукавте во гради ние сме тука за градот. Останаа на сцена лицемерието, лагата, личниот интерес, непочитување на правото и непрофесионализмот.
Јавно ги повикуваме сите советници, градоначалник, функционери кои се дел од ова, да ја преиспитаат нивната одлука и еднаш засекогаш покажат достоинство, чесност и карактер, почитуваајќи ги законите и успехот, а во случајов и волјата на граѓаните.
КК Гостивар е единствената светла точка која носи радост во Гостивар, чесните и обичните луѓе се со нас. Сите сте ги виделе преполните трибини кога игра КК Гостивар, се надеваме нема да ги присилите истите да се преселат пред „вашата“ општинска зграда.
Не се може со сила против магија!“
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар