Островот Окинава – најздравото место на светот

Сѐ поатрактивна туристичка дестинција со прекрасни сини лагуни и преубави плажи, место кое со крупни чекори им се приближува на Хавајските и Карибските острови – Островот Окинава. Сепак, она што вреди да се истакне е фактот што, веројатно, ова е најздравото место на светот.

Островот располага со прекрасна природа, плажи, корални гребени поради кои е сѐ поатрактивна туристичка дестинација.

Тајната за долг и здрав живот е пронајдена на овој остров покрај брегот на Јапонија. Островот Окинава е дом на најмалку 450 луѓе кои имаат над 100 години. Просечниот животен век на жените е 86, а на мажите 78 години. И не само што жителите на овој остров живеат долго, туку живеат здрав и среќен живот.

Островот е преполн со неверојатни приказни како на пример 96-годишниот Сеикичи Уехара кој со своите години победил 30-годишен шампион во бокс, додека 105-годишната Наби Кинјо лови змии без никаков проблем.

На улиците на Окинава може да се сретнат луѓе со 90 или 100 години, кои возат велосипед, вежбаат карате, танцуваат, шетаат по неколку километри дневно, па дури и работат на фарми.

Нивната тајна е достапна за сите и е многу едноставна, внимаваат што јадат и имаат позитивен став кон животот. Стресот е потполно непозната работа на островот. 88-годишен земјоделец, кој и понатаму работи 11 часа дневно, вели: “Едвај, некогаш да сум бил лут. Уживам во животот бидејќи сум среќен со она што го работам и мислам дека тоа е лек за долг живот“.

Ме погледна во лице и ми рече: “Вие сте се здебелиле малку во последно време, зар не?“ Беше во право, но беше чудно, бидејќи човекот го гледам прв пат во животот. (Прераскжува Акира, авторка на фотографијата на човекот од островот Окинава).

Стара изрека, популарна на овој остров, совршено ја прикажува животната филозофија на луѓето од Окинава: “Во седумдесеттата си се уште дете, во осумдесеттата млад. А ако ве повикаат од рајот во деведесеттата, кажете им: Вратете се кога ќе ја наполнам стотата.“

Секако од голема важност е нивната исхрана. Таа не се темели на црвено месо, туку на ориз, риба и зеленчук. За жал сѐ поголемата популарност на островот ги привлекува сопствениците на “fast food” ресторани, кои пак ја привлекуваат помладата популација на островот, одвлекувајќи ја од традиционалната здрава исхрана.