Зошто комарците сардисуваат некои луѓе, а некои воопшто не ги каснуваат?

Науката се потруди да даде одговор на прашањето.

Луѓе со крвна група нулта
Луѓето кои имаат крвна група О, за комарците се вистинска гозба. Научниците од Националниот институт за здравство во Соединетите Американски Држави, го покажаа ова со тестирање на 64 луѓе со различни крвни групи. Комарците се залетувале кај оние со О крвна група.

Трудници
Кога жените се бремени, нивното тело произведува значително повеќе топлина, што многу и ги привлекува комарците. Во една од бројните студии за начинот на кој се пренесува маларијата, докторите откриле дека бремените жени дури два пати повеќе се привлечени  за комарците. Гледано по полови, комарците повеќе напаѓаат жени.

Алкохол
Научниците на 11 мажи им дале да испијат 3,5 децилитри пиво, а еден не се напил ниту капка. Потоа го испитувале и мереле уделот на алкохолот во потта на кожата и бројот на каснувања на комарци. Ова интересно истражување резултирало со заклучок дека комарците, покрај тоа што цицаат крв, исто така, уживаат и во алкохолот во крвта.

Пот и непријатен мирис
Потта и непријатниот мирис за комарците е исто како и црвеното платно за бик. Научниците потврдија дека индивидуални човечки тела лачат мириси кои ги привлекуваат комарците, но и мириси што ги одбиваат. Тие се обиделе да ги изолираат факторите, сепак засега не е познато кои точно мириси на телото ги одбиваат. Пот и смрдеа, дефинитивно ги привлекуваат. Освен то, бојата на облеката на човекот може да влијае врз тоа колку ќе биде каснуван од комарци. Покрај миризбата, комарците се служат и со сетилото за вид да ја забележат жртвата, па така носењето на полесно забележливи бои, исто така може да ве обележи како цел.

Кожните бактерии
На нашата кожа опстануваат многу бактерии кои емитираат мириси, некои од нив ги привлекуваат комарците некои ги одбиваат. Се уште не е познато кои бактерии ги лачат супстанциите кои ги привлекуваат комарците, но евидентирано е дека некои лица кои имале одредени бактериски алергии на кожата се одбојни за малите крвопијци.