Вкусните праски со бројни здравствени придобивки

Секое лето, покрај јагодите и црешите, тука се и праските кои не мамат со својот мирис и вкус.

Праската е идеална, нискокалорична храна, а воедно и вистинско богатство на хранливи материи неопходни за зајакнување на имунитетот. Витамините во праските можат да заменат речиси 30 проценти од дневните потреби на една личност за витамин Ц и витамин А.

Ако сакате да ги јадете, тогаш прочитајте подолу како праските влијаат на вашето здравје.

Тие го чуваат срцето

Праските се умерен извор на калиум, кој е важна хранлива материја и која помага во контрола на високиот крвен притисок и намалување на холестеролот.

Го подобруваат варењето

Една просечна праска содржи околу два грама влакна, од кои половина се растворливи, а половина нерастворливи. Токму нерастворливите делуваат поволно на нашето варење и помагаат при опстипација, додека растворливите ги хранат добрите бактерии кои влијаат на здравјето на дигестивниот систем.

Го зајакнуваат имунитетот

Редовното консумирање на ова овошје, кое изобилува со споменатите антиоксиданси, витамини и минерали, може силно да влијае на создавање поотпорен имунитет на организмот, што ни помага полесно да се справиме со сезонските настинки и други болести.

Добри се за кожата

Екстрактите од праска често може да се најдат во кремите за лице и тело и тоа не е без причина. Имено, соединенијата од праската ја подобруваат способноста на кожата подолго да ја задржува влажноста, а со тоа и кожата е позатегната. Самите цветови од праска често се користат во алтернативна азиска медицина за ублажување на изгореници од сонце.