Оваа храна не треба да ја чувате во фрижидер!

Поради топлото време фрижидерот е нашиот прв избор за да ја сочуваме храната посвежа подолг период. Но, има намирници на кои никако не им е местото таму. Губат од вкусот, квалитетот или уште побрзо се расипуваат ако се држат на толку ниска температура. Едноставно подобро им е на собна температура. Еве што не смеете да чувате во фрижидер:

лук и кромид – на овој зеленчук доволно му е да биде на суво и темно место, фрижидерот не игра никаква улога во зачувување на неговата свежина. Напротив, на ладно ќе изгубат од мирисот, а за сметка на тоа, сите други работи во фрижидерот ќе ви замирисаат на лук и кромид.

домати – многумина од нас, еден од омилените зеленчуци за салата во текот на летото си го чуваат во фрижидер. Погрешно! Доматите на тој начин го губат природниот вкус и поголеми се шансите да омекнат.

диња и лубеница– правилото е едноставно: кога е цела се чува надвор, најдобро се лади под млаз студена вода, а исечените парчиња пак се ставаат во фрижидер, секако покриени со фолија.

банани – се работи за тропско овошје, па логично е подобро да функционира на повисоки температури. Ладното го забавува процесот на нивно созревање.

мед – нека апсолутно никаква потреба да го ставате во фрижидер затоа што ќе кристализира или ќе зашеќери. Најдете место за него на полиците во оставата.

грав – кога доаѓа во допир со влага ја апсорбира, затоа е лоша идеја да го ставате во фрижидер. Тотално ќе го промени вкусот…на полошо.

На листата се наоѓаат и портокалите, лимоните, мармалад, путер од кикирики како и чоколадите.