Означен почеток на Младински центар за изборите на ДУИ во Гостивар

Кандидатот за градоначалник на Гостивар од редовите на ДУИ, Невзат Бејта вечерва оствари средба со младите од партијата и означи почеток на работата на Младински центар за изборите.

„Ова не само што е ваш центар, туку ова е и ваша кампања! Како политичка партија, а особено во оваа кампања, ние веруваме во моќта на иднината. Веруваме во моќта на Гостивар, во силата на гостиварската младина. Оваа кампања и овој центар се доказ за фактот дека вие сте нашата инспирација и една од главните причини зошто ние работевме овие четири години и зошто сакаме Утрешен Гостивар да стане реалност. Драги момчиња и девојки, вие ни давате волја и сте наша предност.  Утрешениот Гостивар ја има во фокус локалната економија и вработувањето, и како секој план е фокусиран кон иднината, кон младите луѓе“, рече Бејта и во продолжение на обраќањето потсети на неколку сработени проекти во својот мандат: изградбата на мостот над Вардар, уредување на улици и патишта, инвестиции во училиштата, уредување на градскиот стадион, спортски игралишта и други.