fbpx
Поврзи се со нас

Гостивар

Пациенти со висок притисок и силни болки се најчестите во Итната помош во Гостивар

Објавено

на

Ковид пандемијата значително го намали бројот на пациенти кои доѓаат во Итната медицинска помош во Гостивар. Периодов во едно деноноќие лекарска помош во службата бараат најмногу 60-тина граѓани, а најголемиот дел од нив во ноќната смена, кога матичните доктори не работат.

Граѓаните, за разлика од порано, сега кога ќе им се јават здравствени тегоби, не се обраќаат веднаш кај дежурните служби, туку најпрво се обидуваат дома да ги смират тегобите со лекови. Најчестите проблеми поради кои пациентите доаѓаат во Итната помош се покачен крвен притисок и силни болки. Во најголемиот дел од случаите се работи за повозрасни, хронично болни лица.

„Бројот на пациенти споредено со истиот период други години е драстично намален, до 3-4 пати помалку. Во ноќната смена од 19 часот до наутро има од 30 до максимум 60 пациенти, додека во текот на денот 10-тина, затоа што преку ден се обраќаат кај матичните лекари, а ние покриваме итни случаи и повици каде има потреба. Пациентите кои доаѓаат се најчесто од постарата популација, но не се исклучени  и помладите. Најголем дел се хронично болни со висок крвен притисок, дијабетес, срцеви проблеми, силни главоболки, некои настинки. Иако динамиката е намалена, заради пандемијата, сепак пациентите кои имаат потреба се обраќаат тука кај нас и им пружаме помош.“ , вели д-р Марјан Силјаноски од Итната медицинска помош.

Гостиварската Итна помош, која функционира во склоп на Здравствениот дом е ангажирана и во транспортот на потврдени со ковид или суспектни на вирусот од дома до ковид центрите. Во новиот корона бран, актуелно зголемен е обемот во тој дел на работата, за разлика од првите два месеци од годината кога владееше затишје на заразата.

Advertisement
Advertisement
Advertisement
Advertisement
Advertisement

Вработувања Полог:

анкета:

Дали треба да се воведуваат дигитални учебници во училиштата?

  • Не (78%, 352 Votes)
  • Да (20%, 88 Votes)
  • Не знам (2%, 11 Votes)

Вкупно гласачи: 451

Advertisement

Популарно изминативе 100 дена

error: Содржината е сопственост на Gostivarpess.mk!