Пелистер победи во Гостивар 80-100

Кошаркарите на Пелистер го вратија поразот од Гостивар на домашен терен, совладувајќи ги вечерва во Младост со резултат 80-100.

Неизвесен беше натпреварот во првиот дел, првите 10 минути во им припаднаа на домаќините добивајќи го периодот (25-23). Вториот им припадна на гостите од Битола (20-26), по што на одмор заминаа со предност 45-49.

Победникот се одлучи во третиот период од натпреварот кој битолчани го добија (11-24). Гостиварци лошо одиграа во нападот низ целото второ полувреме, што гостите искусно го искористија одржувајќи двоцифрена предност до крајот на натпреварот.

Игор Кесар со 26 поени ги предводеше битолчани, Трајковски постигна 22 поени. Кај Гостивар најефикасен беше Тодоровиќ со 22 поени.