Повеќемина повредени, меѓу кои малолетник во несреќа на патот Маврово-Дебар

МВР извести дека вчера (5 август) во 15.45 часот во Полициската станица Гостивар било пријавено дека на патот Мавровска крстосница – Дебар, пред Скудрински мост, се случила сообраќајна несреќа помеѓу патничко возило „фоксваген голф“ со италијански национални ознаки, управувано од Ш.М.(50)од Ростуше и патничко возило „опел астра“ со гостиварски регистарски ознаки, управувано од Ј.Б.(59) од Гостивар.

„Во несреќата со тешки телесни повреди се здобил малолетен сопатник од возилото „опел астра“, додека со телесни повреди се здобиле двајцата возачи и А.Б.(43) од Гостивар, сопатничка во возилото „опел“, констатирани во Медицински центар Дебар и Медицински центар Гостивар.“, соопшти МВР.

Увид на местото на несреќата извршила екипа од Полициската станица Гостивар.