Вести
Гостиварката Јанеска во тимот на Ургентниот Центар за Ковид 19 во Марибор, Словенија
Љубовта кон медицината и желбата за постојано професионално надоградување ја однесоа младата гостиварка Петра Јанеска во Словенија. Трудот, посветеноста и подготвеноста да се вложи максимумот од себе, за нашата сограѓанка резултираат со успеси и нови отворени врати. Во дипломата на Петра од Факултетот за здравствени науки во Марибор се наредени 10-ки, а патот на нејзиното образование продолжува на постдипломски студии. Паралално работи во Ургентниот центар за Ковид-19, во Универзитетскиот клинички центар во Марибор, како дипломирана медицинска сестра. Во ова интервју зборува за искуството како е да се биде во првата борбена линија против моментално најголемиот непријател на човекот во светот-коронавирусот, за својот афинитет кон медицината, за тоа што најмногу и недостига од родниот Гостивар…
1. Работите во Ургентниот Центар за Ковид 19 во Марибор, Словенија. Како е организирана работата таму и како изгледа еден работен ден за медицинскиот персонал?
– Најпрво сакам да ви се заблагодарам за интервјуто и што имам можност да ви ја доловам нашата работа и како ние се справуваме со COVID-19 во Словенија, односно во Марибор. Морам да признаам дека не е баш лесно, секој ден е нов предизвик. Најважна е психичката подготовка зошто самото темпо на работа е динамично и мноу стресно, со самиот збор ургентно. Работиме од 8 до 12 часа на ден, ние сме тим составен од доктори, медицински сестри и болничари. По прием на извештајот за состојбата од претходната смена, се распределуваме на своите позиции, имам среќа да работам со супер-тим каде секогаш владее позитивна атмосфера. Секој пациент кој доаѓа кај нас мора да пополни прашалник и ако позитивно одговори на две прашања, се категоризира како потенцијален заразен со коронавирус и така го третираме. Поделени сме во две зони бела-зона и сива-зона. Во белата зона ги распоредуваме пациентите кои немаат коронавирус, а потребна им е помош и во сивата зона која самата е веќе изолација, оние кои се потенцијално заразени и на кои им се зема брис и прави тест на COVID-19. Додека се чекаат резултатите кои се готови за 3-4 часа, на пациентите им се дава итна помош, лекување, се прави анамнеза и откако ќе ги добиеме резултатите ги распределуваме пациентите, ако се позитивни се хоспитализираат на понатамошен третман, ако се негативни по протокол се упатуваат на одреден специјалист.
2. Како се смени животот во Словенија со пандемијата и какви мерки се воспоставени за заштита на населението?
– Животот во Словенија се смени драстично откако се воспоставија некои законски мерки, се уште е забрането да се собираат луѓе во поголема група на јавни места, забрането беше да се возиме од една во друга општина, затворени беа огромен број на јавни установи, прекинат е јавниот превоз, затворени се угостителските објекти, козметички салони, кина, продавници. Но, од 4 мај сите тие мерки почнаа да се ублажуваат и секој дон од 8 до 10 часот наутро предност имаат инвалидите, повозрасните луѓе и трудници. Иако сите тие мерки се ублажуваат се уште на некој начин треба да се држиме до тие препораки, односно социјалната дистанца од 2 метри, миење на раце, носење на маски. Што значи животот не само во Словеније е многу сменет и мислам дека луѓето после оваа пандемија малку повеќе ќе ги ценат даровите кои ни ги дава животот.
Продолжението на интервјуто погледнете го со видео одговори на Петра:
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ