Пијан возач омаловажувал полицајци на „Илинденска“ во Гостивар

Возач, кај кого полицијата констатирала алкохол во крвта, бил приведен ноќеска во Полициската станица, откако ги омаловажувал полицајците и сакал да продолжи да вози.

Како што соопшти СВР Тетово, синоќа околу 2 часот по полноќ, во Гостивар на улица „Илинденска“ при спроведување на Републичка акциска контрола, од страна на полициски службеници било сопрено патничко моторно возило „Фолксваген Пасат“ со тетовски регистарски ознаки управувано од М.Љ.(40) од село Глоѓи, при што му било извршено алкотестирање и му бил констатиран алкохол во организмот.

„Потоа истиот почнал да ги омаловажува полициските службеници  и одбил наредба да не продолжи со движење со неговото возило и се обидел да го напушти местото на настанот. Лицето е приведено во Полициска станица Гостивар, по целосно документирање на случајот ќе биде поднесен соодветен поднесок“, извести СВР.