ПИСМА: Од петок попладне немаме капка вода, реагираат жители на Зубовце

До редакцијата на Gostivarpress.mk стигнаа реакции од неколку жители на селото Зубовце, Општина Врапчиште, во кои изразуваат револт што се оставени без вода цел викенд. Тие нагласуваат дека дел од селото со околу 30 куќи, нема вода од петокот попладне, од 16 часот.

„Ова е неподносливо, дел од селото два дена нема капка вода. Се работи за околу 30 куќи. Без вода сме поради пукната цевка толку време, а од Општина Врапчиште велат дека утре ќе го средувале проблемот, никој не е засекиран. Катастрофа“, реагираат жителите потенцирајќи дека надлежните веднаш треба да преземат мерки, со оглед дека се работи за елементарна потреба.