Ги напуштиле викендичките поради страв од земјотресите во мавровско

Општина Маврово и Ростуше денес соопшти дека земјотресите што се регистрираа синоќа, ги вознемириле граѓаните, а дел од викендашите решиле да ги напуштат викендичките. Штети до сега не се пријавени.

„Земјотресите предизвикаа вознемиреност кај населението при што мал ден останаа неколку часа во своите автомобили или на отворено. Во договор и комуникација со полицијата беа пропуштени 26 возила со патници, жители на други општини, кои биле во своите викендички во мавровскиот регион. Јавното комунално претпријатие Маврово даде известување дека поради заматување на изворите, водата во селата од мавровскиот регион не се препорачува за пиење. Досега нема пријави за предизвикана материјална штета, но доколку има да се обратат на телефонскиот број 075380138 кај лицето Диди Џафери.“, соопштија од општината.