Намален бројот на издадени дозволи за градење

Според податоците на Државниот завод за статистика, во јули 2016 година се издадени 256 одобренија за градење што е за 28.7% помалку во однос на истиот месец од претходната година.

Во општина Гостивар се издадени 30 дозволи за градење од кои 28 на физичко лице, 2 на деловен субјект.

Според издадените одобренија за градење, предвидената вредност на објектите изнесува 3 462 458 илјади денари што е за 37.9% помалку во однос на истиот месец од претходната година. Од вкупниот број на издадени одобренија за градење, 181 (70.7%) се наменети за објекти од високоградба, 24 (9.4%) за објекти од нискоградба и 51 (19.9%) за објекти за реконструкција. Од вкупно 256 објекти, на 181 (70.7%) како инвеститори се јавуваат физички лица, а на 75 (29.3%) објекти инвеститори се деловни субјекти.