Потопете ги бадемите во вода и зголемете ја нивната хранливост

Овие јаткасти плодови ќе имаат многу поголемо влијание врз вашето здраве ако ги конзумирате на овој начин.

Бадемите се полни со витамини и хранливи материи, тие имаат големи здравствени придобивки. Го штитат срцето и вените, го подобруваат помнењето и го намалуваат холестеролот.

Се препорачува секојдневно да јадете по неколку бадеми. Но, нивната хранливост ќе ја зголемите за неколку пати доколку ги оставите во текот на ноќта потопени во вода. Така ќе ја намалите киселината која се наоѓа во кората на бадемот, која може да ја намали апсорпцијата на хранливи материи од бадемите во телото.

Потопените бадеми во вода имаат повеќе витамин Б во споредба со сувите, исто така се добар извор на калиум, растителини влакна, протеини и здрави масти. Од влажните бадеми организмот уште подобро ќе ја апсорбира нивната хранливост, витамините и минералите, ќе ја стимулираат активноста на ензимите во телото и ќе го подобрат варењето на храната.