Потпишан Протоколот за прием на Македонија во НАТО

Претставниците на 29 земји членки на Северно атлантската алијанса денеска во седиштето на организацијата го потпишаа Протоколот за членство на Македонија во НАТО.

Пред потпишувањето на протоколот, генералниот секретар Јенс Столтенберг се обрати до присутните и го најави министерот, Никола Димитров, кој рече дека ова е доказ дека можеме да ги решaваме проблемите со кои се соочуваме и дека ова ќе испрати смирувачка порака во регионот во кој сѐ уште има неизвесност. Уште нагласи и дека сме подготвени да ги преземеме одговорностите што доаѓаат со полноправното членство во алијансата.

По што се премина на поединечно, своерачно потпишување од страна на амбасадирите на земјите членки на Протоколот за прием на Македонија во НАТО.

Македонија со ова ќе може да присуствува на сите клучни формати на НАТО, но нема да има право на глас, ниту ќе може да учествува во најдоверливите и најчувствителните состаноци, сѐ додека не се стекне со потребното знаење и искуство. Со денешното потпишување, почнува процесот на ратификација на протоколот од страна на парламентите на сите земји членки на НАТО, кој може да трае до година и повеќе.