Повреден работник во каменолом во Гостивар

Во каменолом на приватна гостиварска фирма, лоциран покрај магистралниот пат Гостивар-Кичево, во месноста „Речанска краста“, 55-годишниот Б.Б. од Речане, вработен во фирмата, работејќи на дробилка се повредил, односно задобил исеченица и фрактура на прст од десната рака, соопштуваат од полицијата.

Повредениот, со возило пренесен е во гостиварста Општа болница „Ферид Мурад“ и по укажаната помош, пуштен е на домашно лекување.

По извршениот увид се расветлуваат сите поединости поврзани со овој случај.