Повредена жена пешак во Гостивар

Регистрирана е нова сообраќајна несреќа во Гостивар со повреден пешак. Ноќеска ( 5 март ), десетина минути по полноќ, на крстосницата на улиците „Илинденска“ и „Никола Парапунов“, во близина на Саат кулата во Гостивар, патничко возило „Фолсфаген туран“ со гостиварски регистерски таблици, што го управувал 35-годишниот гостиварец Б.А, удрило во 58-годишната гостиварка Ш.Ш.( пешак ).

Во несреќата жената се здобила со тешки телесни повреди ( фрактура на десната рака и нога ), со медицинско возило пренесена е во гостиварската болница и по укажаната помош, пуштена е на домашно лекување.

Според првичните сознанија од извршениот увид, причина за несреќата е непропуштање пешак на пешачки премин, соопштуваат од МВР.