Гостивар: Физички се пресметале сред бел ден

Четириесет и осумгодишниот гостиварец А.З, вчера ( 4 март ) пријавил дека околу 16 часот и 40 минути на Булевар „Браќа Ѓиновски“ во Гостивар бил пресретнат од 24-годишниот Л.Ј, исто така, од Гостивар, кој најпрво почнал да го навредува и да му се заканува, а потоа  и физички го нападнал.

Во нападот, со тупаници и клоци Л.Ј. повеќе пати го удрил по главата и телото и му нанесол видливи повреди, од што А.З. паднал на асфалтната површина. Се вмешале минувачи и го спречиле Л.Ј да продолжи со нападот, известуваат од полицијата.

Напаѓачот, набрзо е приведен и задржан во Полициската станица Гостивар за целосно расчистување на случајот и против него ќе следува соодветен поднесок.