Повредено деветгодишно девојче близу интернатот

Деветгодишно девојче од Гостивар завршило на скопските клиники со повреди откако било удрено со автомобил. Несреќата се случила денес околу пладне, на улица „Сретко Крстевски“, во близина на Средношколскиот дом во Гостивар. Според информациите од Секторот за внатрешни работи, во сообраќајката учествувале: патничко возило „Тојота“ со гостиварски регистерски таблици, управувано од 39-годишен гостиварец и 9-годишно девојче како пешак, исто така, од Гостивар. Од удирањето, девојчето се здобило со телесни повреди и со истото возило било пренесено во гостиварската болница. По укажаната лекарска помош, префрлено е на клиниките во Скопје, каде ќе се изврши комплетна проверка на здравствената состојба.

По овластување на јавен обвинител, извршен е увид и се расветлува причината за несреќата, околностите во кои се случила и се друго.