Пожар на нива крај автопатот Гостивар-Тетово зафатил објект на бензинска пумпа

Два пожари во ниви се регистрирани изминатите 24 часа на гостиварското подрачје. Како што информира полицијата, вчера во Полициската станица Гостивар било пријавено дека покрај автопатот Гостивар-Тетово, избувнал пожар во нива која се наоѓа во близина на бензинска пумпа,  при што била зафатена сува трева и помошен објект од бензинската пумпа. Пожарот бил изгаснат од екипа на Територијална противпожарна единица-Гостивар.

Друг пријавен случај е во нива на влезот во гостиварското село Равен, кој бил близу до куќа.       „Опожарена е сува трева и грмушки, како и еден дрвен електричен столб. Интервернирале мештаните од ова село и гостиварските пожарникари, кои целосно го локализирале пожарот.“, соопшти СВР.

Повредени лица во пожарите нема и по извршениот увид се работи на расчистување на случите.