Приведени девојки во акција во угостителски објект во Гостивар

Полициски службеници од Полициската станица Гостивар, ноќеска околу 1.30 часот по полноќ, спровеле акциска контрола во угостителски објект, лоциран на улица „ЈНА“ во Гостивар, сопственост на 53-годишниот Е. А. од гостиварското село Лакавица.

Полицијата соопшти дека при контролата, во објектот биле затекнати четири женски лица, од кои три српски и една македонска државјанка.

„Трите странски државјанки, на возраст од 24, 29 и 33 години, приведени и задржани се во Полициската станица Гостивар, по што се предадени на Отсекот за прекуграничен криминал, миграции, странци и реадмисија, а нешто подоцна изведени се и пред судија за прекршоци на Основниот суд Гостивар.“, извести СВР.