Приведувања и притвор заради дрога во Гостивар

Триесет и две годишен жител на гостиварско Здуње доби притвор од 30 дена и се товари за сторено кривично дело „неовластено производство и пуштање во промет на наркотични дроги, психотропни супстанции и прекурсори“. Како што соопшти МВР, при претрес во неговиот дом на 02.01.2020, извршен со судска наредба, била пронајдена марихуана. Тој бил приведен и задржан во Полициската станица Гостивар и со соодветна пријава бил изведен пред судија во претходна постапка на Основен суд Гостивар, кој му одредил притвор од 30 дена, мерка по што бил спроведен во Казнено – поправната установа „Затвор Скопје“.

СВР Тетово информира денеска (5 јануари) околу 12 часот и 30 минути, полициски службеници на ОВР Гостивар, на улиците “Беличица” и “Кеј Вардар” во Гостивар, лишиле од слобода 32 годишник од гостиварска Долна Бањица, кај кого при преглед бил пронајден  хероин и 30-годишен гостиварец, затоа што му била пронајдена марихуана. Двајцата се задржани во Полициската станица Гостивар и по расчистување на случајот ќе им бидат изготвени соодветни поднесоци.