Продолжуваат полициските акции против дрога во Гостивар и Тетово

Секторот за внатрешни работи Тетово информираше дека продолжува со интензивни активности за откривање и санкционирање на лицата кои поседуват, продаваат или уживаат наркотични средства.

„Само во последниве две седмици, на тетовско-гостиварското подрачје приведени се над 70 лица инволвирани во продажба или користење, претежно марихуана, но и хероин и кокаин. Во најголем број станува збор за лица од Тетово и Гостивар, на возраст од 15 до 46 години, како и од повеќе села во регионот, кои поседувале или користеле наркотични дроги.“, наведуваат од СВР.

Надлежните најавија соодветни пријави за откриените лица по целосното расчистување на сите поединости.