Променливо облачно време и студени утра оваа недела во Гостивар

Времето во текот на оваа работна недела во гостиварскиот регион ќе биде променливо облачно, со услови за дожд и ниски утрински температури.

Денес, понеделник, температурата ќе се движи во интервал од -2 до 10 степени. Облачноста ќе се зголемува во попладневните часови, за кога се прогнозираат врнежи од дожд. Утрово има појава на магла. Тмурно и дождливо се очекува да биде и утре, вторник. Утринската температура ќе се спушти до -8, а дневната ќе достигне 1 степен.

Во среда и четврток следува стабилизација и намалување на облачноста, но студеното време продолжува со утрински температури неколку степени под нулата.

Во петок, минималната температура ќе достигне до -2 степени, а максималната температура ќе достигне до 7 степени. Метеролозите предвидуваат променливо облачно време.