Просечната плата во декември била 28.294 денари – пресметка на Заводот за статистика

Според податоците кои ги објави Државниот завод за статистика просечната месечна исплатена нето-плата по вработен во декември 2020 година, изнесувала 28.294 денари, што е повисок индекс за 5,4 во однос на декември 2019 година.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Информации и комуникации (15.5 %), Рударство и вадење на камен (10.5 %) и Дејности на здравствена и социјална заштита (10.0 %).

Најниска плата добиваат вработените во секторите:  производство на кожа и слични производи од кожа (15.477 денари), заштитни и истражни дејности (15.933 денари), рибарство и аквакултура (17.442 денари), туристички агенции, организатори на патувања (туроператори) и останати резервациски услуги како и дејностите поврзани со нив (17.189 денари).

Најдобро платени сектори остануваат консултантски и сродни дејности со месечни просечни примања од (76.223 денари), информации и комуникации (56.998 денари), производство на основни фармацевтски производи и фармацевтски препарати (47.948 денари), финансиско-услужни дејности, освен осигурување и пензиски фондови (46.795 денари), воздухопловен транспорт (42.671 денари).