Протоереј Марјанчо Мадевски поставен за Архерејски намесник на Гостиварското архиерејско намесништво

Протоереј Марјанчо Мадевски е новиот Архерејски намесник на Гостиварското архиерејско намесништво, кој е поставен по смртта на протоереј ставрофот Боге Богојески.

Марјанчо Мадевски е роден 1982 година во с. Русиново – Берово. Основно образование завршува во родното место, а своето образование го продолжува во Македонската православна богословија „св. Климент Охридски“ во Скопје. Во 2002 година се запишува на Православниот богословскиот факултет „св. Климент Охридски“ во Скопје, кај што дипломира на тема „Свештеничката служба според Новиот завет“.

Во 2014 година, кога Светата православна црква го слави Вознесението Христово – Спасовден, од страна на Неговото високопреосвештенство митрополитот Тетовско-гостиварски г. Јосиф во Лешочкиот манастир е ракоположен во ѓаконски чин, а на 22.12.2014 година, кога Црквата си спомнува за преподобна Матрона Цариградска и свети Нектариј Егински, во храмот посветен на „Пресвета Богородица“ во Гостивар, во свештенички чин. Од месец 05.03.2016 година е назначен за в.д. секретар на Тетовско-гостиварската епархија. Во протоерејски чин е ракопроизведен на 28.08.2017 година. Во месец јануари 2019 година е поставен за парохиски свештеник на Теаречко-вратничката парохија.

Од 01.12.2020 година е поставен за Архерејски намесник на Гостиварското архиерејско намесништво.