Работи кои на светските милионери им се потполно бесплатни

Поедини светски познати милионери, и покрај огромниот имот и богатство, некои работи ги добиваат бесплатно.

Храна и пијалоци

Бил Гејтс, еден од најбогатите луѓе на светот, горд сопственик е на златна картица од МекДоналдс која му овозможува да добие оброк од овој ланец на ресторани било каде во светот потполно бесплатно.

Од друга страна, американскиот режисер Џорџ Лукас никогаш не може да биде гладен во град каде што има ресторан од познатиот Бургер Кинг. Овој бред со ланец на ресторани им ја нудат оваа привилегија на богатите и славните, но инсистираат да не се зборува многу за овие престижни картици па затоа целосниот список на привилегирани гости сопственици на ваква картица не е познат.

Луксузни предмети и патувања

Доделувањата на награди и премиерите на филмови се одлична платформа за промовирање на нови луксузни предмети. Па од таму и нека не нѐ чуди фактот што богатите и славните добиваат пакети на подарок со огромна вредност.

На доделувањето на оскарите, на пример, истите достигнувале и вртоглави суми дури до 168.000 долари поради што и се врти муабет дека никој не е губитник на гала вечерта на Американската филмска академија. Пред неколку години во кесичките се наоѓал ваучер за едногодишно изнајмување на луксузниот автомобил Silvercar Audi, велосипед вреден 1.200 долари, бесплатно патување во Италија и слични придобивки.

Екстремни искуства

Резервација за лет во вселената можат да си дозволи само мал дел од светската популација. Сепак, некои возбудливи искуства најбогатите авантуристи можат да ги добијат бесплатно. Кога светските умови ќе смислат некоја нова иновација, милионерите се први кои истата можат да ја испробаат.

Сер Ричард Брансон е љубител на екстремните спортови и не чуди фактот што меѓу првите испробува нови реквизити и возила за адреналинска авантура како што е преносната ракета – летало jatpack. Овој богаташ тежок 4 милијарди долари обожува китсурфинг, возење со балон на топол воздух, безмалку сите овие работи од екстремните спортови ги испробува бесплатно, а меѓудругото е сопственик на приватна подморница.